Wellness+ për kompani

Transformoni mirëqënien në punë

përmirësoni ekipin tuaj

Wellness+ është platforma lider në Shqipëri për menaxhimin e palestrave dhe qendrave të mirëqenies. Prej më shumë se 1 viti, ne kemi krijuar një rrjet të unifikuar (Marketplace) të bizneseve të ndryshme - palestra, qendra SPA dhe pishina - në qytetin e Tiranës dhe në disa zona të Durrësit.

Qëllimi ynë është t'u ofrojmë kompanive që duan të investojnë në mirëqenien e stafit të tyre një mekanizëm të thjeshtë përmes një buxheti mujor ose kuponave për festa dhe shpërblime.

Pse Wellness+?

Liri Zgjedhjeje

Punonjësit zgjedhin shërbimet sipas nevojave dhe pasioneve të tyre në rrjetin tonë të gjerë.

Mbulim Gjeografik

Rrjeti ynë i gjerë siguron që punonjësit të kenë akses në shërbime kudo që të jenë, në të gjitha zonat e Tiranës dhe në disa zona kryesore të Durrësit.

Gjithëpërfshirje

Duke ofruar lloje të ndryshme të palestrave (fitness, klasa në grup, arte marciale, pilates, etj.), SPA dhe pishina, përfitimi bëhet tërheqës për të gjitha grupmoshat dhe gjinitë në kompaninë tuaj.

Oferta Financiare

Tarifa Vjetore e Operimit (Kostoja e Platformës)

Kjo tarifë mbulon krijimin e llogarisë, mirëmbajtjen e Aplikacionit për punonjësit, negocimin e vazhdueshëm me rrjetin e partnerëve dhe menaxhimin administrativ (përfshirë faturimin e konsoliduar).

Numri i Punonjësve	Çmimi për llogari punonjësi
1 - 100	1,200 ALL / vit
101 - 500	900 ALL / vit
501 - 1000	750 ALL / vit
1000+	600 ALL / vit

Buxheti i Mirëqenies (Fleksibël)

Ky është investimi i drejtpërdrejtë që shkon te punonjësi. Kompania ka kontroll të plotë mbi këtë vlerë:

Opsioni 1: Buxheti Mujor. Ju vendosni një kufi (p.sh., 5,000 ALL/muaj). Punonjësi, në lirinë dhe privatësinë e tij, zgjedh ku dëshiron ta përdorë këtë buxhet në shërbim të mirëqenies së tij. Ju mund të krijoni buxhete me vlera të ndryshme për grupe të ndryshme punonjësish.
Opsioni 2: Kuponat (Gift Cards). Blerje e kuponave me vlerë fikse për dhurata, shpërblime performance ose festa.

Lehtësi Operacionale

Pa Rimbursime Cash

Eliminon nevojën për rregullime pagash dhe implikimet e komplikuara tatimore që vijnë me rimbursimet individuale.

Transparencë Totale

Punonjësit menaxhojnë llogaritë e tyre direkt nga aplikacioni, ndërsa ju keni një pasqyrë të qartë të kostove dhe përdorimit të buxhetit.

Çmime Preferenciale dhe Përfitime Shtesë

Maksimizim i Investimit & Zbritje Efektive (10% Top-up)

Ne rrisim vlerën e çdo leku që ju shpenzoni. Duke shtuar 10% në buxhetin e alokuar, ne krijojmë një avantazh të dyfishtë: kompania juaj rrit automatikisht vlerën e perceptuar të paketës së përfitimeve pa rritur kostot (ROI i menjëhershëm), ndërsa punonjësi praktikisht përfiton nga një zbritje në çdo shërbim që zgjedh. Specifikisht, 5,000 ALL investim nga ju bëhen 5,500 ALL fuqi blerëse reale për stafin.

Aktivitete Javore Falas

Organizim i aktiviteteve të ndryshme (me kapacitet të kufizuar), pa pagesë për punonjësit tuaj, si: klasa pilates, cross-fit, joga, etj. Pjesëmarrja do të jetë e mundur duke rezervuar në Aplikacionin tonë mobile ku do të publikohen eventet.

Pyetje dhe Përgjigje (FAQ)

Ne nuk mund të ofrojmë një çmim fiks për të gjitha bizneset, por ofrojmë mundësinë që punonjësit të zgjedhin çdo lloj abonimi ose shërbimi që duan të përdorin me buxhetin e tyre. Nëse buxheti është 5,000 ALL/muaj dhe punonjësi dëshiron të blejë një abonim 7,000 ALL/muaj, diferenca prej 2,000 ALL mund të mbulohet nga vetë punonjësi duke paguar direkt në biznes.

Për Kompaninë: Ne ofrojmë një Aplikacion Web i cili përdoret nga stafi përgjegjës për menaxhimin e buxhetit. Aty mund të regjistroni punonjësit dhe të krijoni buxhetin mujor ose të gjeneroni kupona. Pasi fatura të jetë gjeneruar dhe pagesa të jetë konfirmuar, buxheti shpërndahet automatikisht.
Për Punonjësit: Ne ofrojmë një Aplikacion Mobile nga ku ata do të menaxhojnë buxhetin e tyre, do të shohin listën e bizneseve dhe do të njoftohen për çdo të re.

Kjo varet nga politika juaj. Ju keni të drejtën të vendosni nëse buxheti i papërdorur digjet apo akumulohet. Shembull: Nëse politika është që buxheti nuk akumulohet dhe punonjësi ka shpenzuar vetëm 4,000 ALL nga 5,000 ALL, muajin tjetër atij do t'i jepen vetëm 4,000 ALL për të arritur tavanin, duke i kursyer kompanisë 1,000 ALL.

Shpesh ndodh në treg që ka abuzime ku punonjësit merren vesh me bizneset për fatura fiktive. Ky skenar dhe shumë të tjerë janë plotësisht të shmangshëm me Wellness+, pasi pagesat për bizneset menaxhohen nga ne dhe ne verifikojmë shërbimet dhe abonimet e shitura për të zbuluar sjellje të tilla.

Jo, ne sigurohemi që të parandalojmë përdorimin e buxhetit për persona të tjerë (miq, familjarë); përndryshe, bizneset nuk rimbursohen.